ICT: NIE

ប្រវត្តិសង្ខេបរបស់វិទ្យាស្ថានជាតិអប់រំ

នៅឆ្នាំ១៩១៤ក្រោមអាណាព្យាបាលបារាំង បានសាងសង់សាលាបឋមសិក្សាមួយដែលមានឈ្មោះថា សាលាបឋមសិក្សា Francois Baudoin សាលាមានការវិវត្តន៍មិនឈប់ឈរព្រមទាំងត្រូវបានប្តូរឈ្មោះជាបន្តបន្ទាប់នៅក្នុងប្រវត្តិរបស់ខ្លួន។ នៅឆ្នាំ១៩៤៣ សាលានេះបានប្រែឈ្មោះជា សាលាគរុកោសល្យ បន្ទាប់មកនៅឆ្នាំ១៩៥៧ ក៏បានក្លាយជាវិទ្យាស្ថានជាតិគរុកោសល្យ ហើយនៅឆ្នាំ ១៩៦៥ក៏ប្រែឈ្មោះមកជាមហាវិទ្យាល័យ គរុកោសល្យ។

មុនឆ្នាំ១៩៧៥ ភារកិច្ចចម្បងរបស់គ្រឹះស្ថានគឺការបណ្ដុះបណ្ដាលបុគ្គលិកសិក្សា។នៅពេលដែលសាលានេះមានឈ្មោះ សាលាគរុកោសល្យនៅឆ្នាំ១៩៤៣ ការបណ្ដុះបណ្ដាលសម្រាប់គ្រូបឋមសិក្សានៅទូទាំងប្រទេស។ ពីឆ្នាំ១៩៥៨ ដល់ឆ្នាំ១៩៦៥វិទ្យាស្ថានជាតិគរុកោសល្យមានបេសកកម្មថ្មីមួយទៀតគឺបណ្ដុះបណ្ដាលអធិការបឋមសិក្សា។ គួររំលឹកដែរថាកាលពីពេលនោះ ការបណ្ដុះបណ្ដាលអធិការមធ្យមសិក្សា បឋមភូមិមិនទាន់មាននៅឡើយទេ ហើយការបណ្ដុះបណ្ដាលសាស្ត្រាចារ្យមធ្យមសិក្សាទុតិយភូមិធ្វើនៅសាលាគរុវិជ្ជាជាន់ខ្ពស់ដែលទីកន្លែងនេះបច្ចុប្បន្នក្លាយជាវិទ្យាស្ថានភាសាបរទេសនៃ សាកលវិទ្យាល័យភូមិន្ទភ្នំពេញ។

វិទ្យាស្ថានជាតិអប់រំបានបណ្ដុះបណ្ដាលគ្រូមធ្យមសិក្សា បឋមភូមិគ្រប់មុខវិជ្ជាចំនួន ២៩៩២នាក់និងអធិការបឋមសិក្សាចំនួន៦៦នាក់។ នៅក្នុងឆ្នាំ១៩៧៤ ១៩៧៥មានគ្រូមធ្យមសិក្សាបឋមភូមិចំនួន ១៤១នាក់ និងអធិការ បឋមសិក្សាចំនួន ១៤ នាក់ កំពុងបណ្ដុះបណ្ដាល។ តែជាអកុសល ពួកគេទាំងនោះមិនបានប្រឡងបញ្ចប់ការសិក្សានោះទេ ក៏ព្រោះថាពួកខ្មែរក្រហមបានចូលមកកាន់កាប់អំណាច។

ពីឆ្នាំ១៩៧៥ រហូតដល់ចុងឆ្នាំ១៩៧៨ គ្រឹះស្ថាននេះក៏ដូចជាគ្រឹះស្ថានដទៃទៀតនៅក្នុងប្រទេសគឺត្រូវបានបិទទ្វាទាំងស្រុង។

ក្រោយឆ្នាំ១៩៧៩ គ្រឹះស្ថាននេះត្រូវបានបើកទ្វាឡើងវិញ ហើយមានឈ្មោះថា សាលានយោបាយក្រសួងអប់រំ បន្ទាប់មកក៏បានប្រែឈ្មោះជាសាលាគរុកោសល្យ និង វិក្រិតការមជ្ឈិម នៅឆ្នាំ១៩៨០ រួចនៅឆ្នាំ១៩៨៦ ក៏មានឈ្មោះថា សាលាគ្រប់គ្រងកម្មាភិបាលជាន់ខ្ពស់អប់រំ។

នៅឆ្នាំ១៩៩៣ បានប្តូរឈ្មោះម្តងទៀតទៅជាមហាវិទ្យាល័យគរុកោសល្យ ដែលជាឈ្មោះដើមរបស់ខ្លួនវិញ ហើយមកដល់ឆ្នាំ ២០០៤ នេះដើម្បីឆ្លើយតបទៅនឹងការវិវឌ្ឍន៍របស់សង្គមជាតិ និងការអភិវឌ្ឍន៍របស់វិស័យអប់រំ គួបផ្សំនិង សំណូមពរចាំបាច់របស់សង្គមជាតិនៅក្នុងដំណាក់កាលសកលភាវូបនីយកម្ម និង ក្នុងដំណាក់កាលនៃការរីកចម្រើននៃវិទ្យាសាស្ត្ បច្ចេកទេសមហាវិទ្យាល័យគរុកោសល្យត្រូវបានរាជរដ្ឋាភិបាលក្នុងអាណត្តិទី២ ដែលមានសម្ដេច ហ៊ុន សែន ជាប្រមុខសម្រេចប្រែក្លាយឲ្យទៅជាវិទ្យាស្ថានជាតិអប់រំ តាមអនុក្រឹត្យលេខ ០៤ អនក្រ.បក ចុះថ្ងៃទី ១១ ខែ មិនា ឆ្នាំ ២០០៤។

នៅថ្ងៃទី០៨ខែកុម្ភៈឆ្នាំ២០០៥ឈ្មោះវិទ្យាស្ថានជាតិអប់រំបានសម្ពោធមជ្ឈមណ្ឌល វប្បធម៌ សម្ដេច ហ៊ុន សែន និង លោកជំទាវ ក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន និង លោកជំទាវ ប៊ុនរ៉ានី ហ៊ុន សែន។

សព្វថ្ងៃនេះវិទ្យាស្ថានជាតិអប់រំមានមុខងារបណ្ដុះបណ្ដាលជាច្រើនផ្នែកដូចខាងក្រោម៖

គ្រូកម្រិតឧត្ដម បរិញ្ញា+១
ផ្នែកអធិការ មធ្យមសិក្សា
គរុសិស្សកម្រិតមូលដ្ឋានឯកទេសភាសាបារាំងខ្មែរ
គ្រូឧទ្ទេស បឋមសិក្សា
អធិការបឋមសិក្សា
គ្រូឧទ្ទេសភាសាបារាំង អង់គ្លេស
បើកវគ្គបណ្ដុះបណ្ដាលដល់មន្ត្រីរាជការផ្សេងៗ។

ICT

Pages

NIE

ប្លក់នេះគឹកំពុងសាងសង់..!

Pages

NIE

ប្លក់​នេះគឹកំពុង​សាងសង់..!

ប្លក់នេះគឹកំពុងសាងសង់..!